Cáilíocht Uisce Óil
Ar ábharaí an tsaoil, tá foinsí sábháilte agus iontaofa amhuisce úir in Éirinn ar féidir linn iad a chóireáil agus a úsáid mar uisce óil. Mar sin féin, is iomaí toisc éagsúil ar féidir leo tionchar a imirt ar cháilíocht uisce óil, mar shampla, is féidir le saghsanna ithreach nó carraige, cleachtais úsáide talún agus fiú báisteach throm uile difear a dhéanamh do cháilíocht uisce óil.
Nuair a chuirimid an sconna ar siúl, bímid uile ag súil leis go gcinntítear go bhfuil uisce óil á sholáthar dár n-áiteanna cónaithe agus dár ngnólachtaí atá glan agus sábháilte gach lá agus is tábhachtach a chur san áireamh go mbaineann próiseas casta lenár n-uisce óil in Éirinn a chóireáil agus a thástáil agus le monatóireacht a dhéanamh air.
An Clár Monatóireachta Uisce Óil
Tá freagracht ar Chomhairle Contae Mhaigh faoi Rialacháin an Aontais Eorpaigh (Uisce Óil), 2014 as clár monatóireachta uisce óil a chur le chéile agus a chur i ngníomh do gach soláthar príobháideach atá á rialáil laistigh dá limistéar feidhme.
Soláthraítear seirbhísí cuí samplála agus tástála do Chomhairle Contae Mhaigh Eo chun tabhairt faoin gclár monatóireachta do sholáthairtí príobháideacha rialáilte, i gcomhréir leis na Rialacháin. Úsáidtear na seirbhísí seo chomh maith chun tabhairt faoi aon sampláil bhreise a theastaíonn ar sholáthairtí príobháideacha (atá rialáilte nó díolmhaithe) i gcaitheamh na bliana.
Déantar paraiméadair uisce óil a thástáil lena chinntiú go bhfuil cáilíocht an uisce óil ar chaighdeán inghlactha, faoi mar a leagtar amach i Rialacháin an Aontais Eorpaigh (Uisce Óil), 2014.
Déantar paraiméadair uisce óil a rangú isteach in 3 chatagóir:
- Is gnách go ndéantar tástáil ar pharaiméadair tháscaire anuas ar pharaiméadair mhicribhitheolaíocha agus cheimiceacha i sampla uisce. B’fhéidir nach gcruthóidh na paraiméadair seo baol leo féin, ach d’fhéadfaidís a thabhairt le fios go bhfuil paraiméadair eile a d’fhéadfadh a bheith níos díobhálaí i sampla uisce.
- Déantar tástáil ar pharaiméadair cheimiceacha i samplaí uisce óil lena dheimhniú an bhfuil aon cheimiceáin atá iontu laistigh de na teorainneacha inghlactha. D’fhéadfadh gurb é is cúis le paraiméadair cheimiceacha atá i samplaí uisce óil ná ceimiceáin a thuaslagtar isteach in uisce ó phíopaí, ceimiceáin atá ann go fóill tar éis próisis chóireála uisce, imoibrithe ceimiceacha ar féidir leo titim amach idir ábhair éagsúla san uisce, nó fiú uisce a ritheann chun srutha ó fheirmeacha.
- Miocrorgánaigh (i.e. baictéir) iad paraiméadair mhicribhitheolaíocha a thástáiltear in uisce óil. Má tá na paraiméadair seo i sampla uisce óil, d’fhéadfadh sé a thabhairt le fios go bhféadfadh gur tharla éilliú ag foinse uisce nó sa líonra dáileacháin uisce.
Is féidir torthaí tástála cháilíocht an uisce a fháil ar iarraidh ón Oifig Uisce Tuaithe, féach na sonraí teagmhála thíos, le do thoil.
Fógra Uisce a Fhiuchadh
Titeann sárú uisce óil amach nuair atá luach paraiméadair níos airde ná an teorainn inghlactha. Nuair a thiteann sárú amach, téitear i mbun beart ar aon dul leis na Rialacháin, lena chinntiú go dtiteann gníomh maolaithe agus ceartaitheach amach go mear le héifeachtaí a íoslaghdú.
I gcásanna áirithe, eiseofar soláthar príobháideach le Fógra Uisce a Fhiuchadh. Is féidir amharc ar chlár Fógraí Uisce a Fhiuchadh agus é a íoslódáil trí chliceáil ar Uisce Tuaithe - Clár Fógraí Uisce a Fhiuchadh.
Is féidir aon cheisteanna eile maidir le cáilíocht an uisce óil i soláthairtí príobháideacha a chur trí ríomhphost a sheoladh chuig ruralwater@mayococo.ie nó trí theagmháil a dhéanamh leis an Oifig Uisce Tuaithe ar 094-9064000.