Na rudaí a thig leat a dhéanamh ar son na Bithéagsúlachta
Is féidir linn go léir ár bpáirt a ghlacadh, dá laghad í, chun an bhithéagsúlacht timpeall orainn a chosaint. Tá go leor acmhainní agus treorach ar fáil chun cuidiú linn seo a dhéanamh.
An Fiadhúlra i do Ghairdín
Seoladh leabhrán nua chun cuidiú le gach duine lámh chúnta a thabhairt don fhiadhúlra ina ngairdíní, beag beann ar chomh mór nó chomh beag atá siad. Rinne Juanita Browne, leis an Ionad Náisiúnta le Sonraí Bithéagsúlachta, an leabhrán a scríobh agus chuir Oifigigh Oidhreachta Údaráis Áitiúil ar fud na hÉireann le chéile é, le lámh chúnta ón tSeirbhís Páirceanna Náisiúnta agus Fiadhúlra agus ón gComhairle Oidhreachta.
Do Ghairdín a dhéanamh Oiriúnach do Phailneoirí
Ar mhaith leat do ghairdín a dhéanamh oiriúnach do phailneoirí?
Ciallaíonn do ghairdín a dhéanamh oiriúnach do phailneoirí gur roghnaigh tú áit fholláin a dhéanamh de do ghairdín ar féidir le pailneoirí sa tírdhreach cuairt a thabhairt air. Tá sé thar a bheith éasca cuidiú a thabhairt!
Cuideoidh tú, trí roinnt rudaí simplí a dhéanamh, le bia agus foscadh a bhfuil géarghá leo a thabhairt dár bhfeithidí pailnithe, agus cruthóidh tú gairdín álainn dathannach ag an am céanna.
Mínítear i mbróisiúr nua conas is féidir leat do ghairdín – bíodh gairdín mór nó beag é – a dhéanamh níos oiriúnaí do phailneoirí.
Íoslódáil an bróisiúr 4 leathanach anseo
Cliceáil anseo le Do Ghairdín a dhéanamh Oiriúnach do Phailneoirí
An Fiadhúlra i do Bhaile agus do Shráidbhaile
Is féidir lenár mbailte agus ár sráidbhailte réimse fairsing gnáthóga agus speicis fiadhúlra is díol spéise caomhnaithe áitiúla, nó fiú náisiúnta, a chothú. Caith súil ar an leabhrán thíos le heolas breise a fháil faoin méid is féidir leat a dhéanamh chun cuidiú leis an mbithéagsúlacht i do phobal.
Tá Pleananna Gníomhaíochta um Bithéagsúlacht ullmhaithe againn do go leor bailte agus sráidbhailte i Maigh Eo, ina dtugtar cuntas ar rudaí ar leith is féidir leat a dhéanamh sna háiteanna seo chun cuidiú leis an mbithéagsúlacht.
Tá acmhainní áisiúla eile ar fáil sa mhír Foilseacháin Oidhreachta