Cloigthithe
Gné fheiceálach den tírdhreach stairiúil fud fad na tíre iad cloigthithe. Focal ón tSean-Ghaeilge é cloigtheach, a chiallaíonn túr cloig. Gné shainiúil de chloigthithe ná go bhfuil an doras i bhfad os cionn leibhéal na talún, a thugann le fios gur úsáideadh iad do thearmann. Tá Cloigtheach Chill Ala 84 troigh ar airde agus tá an doras 11 throigh os cionn na talún. Bhuail tintreach é am éigin sa naoú haois déag agus deisíodh é ina dhiaidh sin.